~மழையும் அவனும்~
மழை வரும்போதெல்லாம் அவன் ஞாபகங்கள் முந்தி  கொண்டு வருகின்றது..
 மழை போல தான் அவன்,
பேசும் சொற்களே சங்கீதம் ஆவதும், கண்களை ஊடுருவி பார்க்கும் பார்வையும், மழையினுடன் வரும் தென்றலும், எதிர்பாராமல் வரும் மின்னலும் ஒன்று தான்..
மழை போல தான் அவன், ஆசையாய் நனைத்து விடுகிறான் , பாசமாய் துவட்டி விடுகிறான், மோசமாய் என்னை நனைத்து விட்டாலும் மோகமாய் என்னை அணைத்தும் கொள்கிறான்...
மழை போல தான் அவன்,
அவனாகவே வருகிறான்
அவனாகவே செல்கிறான்..
எப்போது வருவான் என்று தெரியவில்லை, சில நாட்கள் தொடர்ந்து வருகின்றான், சில நாட்கள் விட்டு விட்டு வருகின்றான், சில நாட்கள் வருவது போல் போக்கு காட்டி விட்டு வராமல் சென்று விடுகிறான்..
சில நேரங்களில் சில்லலென்று காற்றடிப்பது போல, அவன்  பூ முகத்தை மட்டும் காட்டி மனத்துக்குள் சந்தோசம் தோன்றும் முன்னே அதை பறித்தும் சென்று விடுகிறான் ..!!
மழை போல தான் அவன்,
எதிர்பார்த்து காத்திருந்த போதெல்லாம் வராமல் பாலை நிலம்போல தவிக்கவிட்டு,நினைக்காத நேரத்தில் அன்பு கடலில் மூழ்க வைக்கிறான்..!!
மழை போல தான் அவன்,
அரிதாய் தான் வருவான் என்றாலும் கூட வரும்போதெல்லாம் அனைத்து மகிழ்ச்சியை கொட்டி சோகங்கள் அனைத்தையும் எடுத்து செல்கிறான்..
மழை போல தான் அவன்,
இனி மழை நனைத்தாள் அவனும் நனைத்திடுவான் நினைவுகளால் முதல் சந்திப்பின் மண் வாசம் மனதுடன் மணக்க வைக்கிறான்..
மழை போல தான் அவன்,
இன்று மௌனமாய் உயிர் கொல்லும்  வலியாய் வாழ்ந்தாலும் என்றேனும் ஓர் நாள் என்மீதான பேரன்பை பெருமழையை  போல் கொட்டித்தீர்ப்பான்  என்றே காத்திருக்கிறேன்..!!

காதல் என்பது அழகு என்றால், ஒரு தலை காதல் இன்னும் அழகு அதிலும் பெண்களின் ஒரு தலை காதல் பேரழகு..
இரு இதயங்களுக்கான ஒரு உணர்வு காதல் என்றால்  இரு இதயங்களுக்கும் சேர்த்து ஓர்  உணர்வு என்பது ஒரு தலை காதல்,
ஒரு பெண்ணின் ஒரு தலை காதலை பற்றி ஒரு கற்பனையான  கவிதை,

அவளுக்கு அவன் மட்டும் தான் பேரழகன், அவனிடம் அப்படி என்ன தான் உள்ளது என்று அனைவரின் கேள்விக்கும், புன்னகையை மட்டும் பதிலாக  அளிப்பவள்,
அவனின் ஒரு நொடி கடைக்கண் பார்வைக்காக நாள் முழுவதும் காத்திருப்பவள், அவனிடம் பேச கட்டுரைகளை தயார் செய்து வைத்தாலும் அவன் முன்பு மௌனத்தை மட்டும் வெளிப்படுத்துபவள்.
அவனிடம்  இருந்து  வரும் ஒரு குறுஞ்செய்தியை பார்த்து ஓர் காதல்  நாடகத்திற்கே ஒத்திகை பார்த்தவள்., அவளின் அத்துமீறும் ஆசைகளுக்கு விதிமுறைகள் இருக்கிறதா என்ன??அவள் அவனை  பார்க்கும் போதிலும் சரி, அவன்  அவளை  பார்க்கும் போதிலும் சரி அவள்  இதயத்தை நொறுக்கி விடுகிறது அவன்  காந்த பார்வை, இருந்தும் அவனையே  தேடும் அவள் விழிகளை  என்னவென்று சொல்வது, இது முட்டாள் தனம் என்று புத்திக்கு உரைத்தாலும் அவள் மனது எங்கே கேட்கிறது, அந்த முட்டாள் கூட்டத்தில் நானும் ஒருத்தியாய் இருந்து விட்டு போகிறேன் என்று கூறுகிறாள்.கை கூடாது என்று அறிந்தும், கை கோர்க்க துடிக்கும் அவள்  மனதிற்கு  எப்படி சொல்லி விளங்க வைப்பேன், கானல் நீரில் மீன் பிடிக்க இயலாது என்று..
அவனோடு சேர்ந்து வாழ முடியாதெனினும் அவன் நினைவுகளை நிஜமாக்கி கனவுகளில் வாழ்ந்து  கொண்டு தான் இருக்கிறாள் அவள்...

ஒருதலை காதல்
தறுதலை காதல் தனம் என்று கூறினாலும்,

சொல்லாத காதல்
பேசாத வார்த்தைகள்
அனுப்பாத கவிதைகள்
வெளிப்படுத்தாத உணர்வுகள்
கொண்டாடாத காதலர் தினம்,
என்று இப்படி நிகழாதவைகளாக இருந்தாலும் கூட, அவன் மீதான காதல் மட்டும் என்றும் அவளுக்கு குறையாது,

ஒரு தலை காதல் என்பது ஒரு சுகமான  இம்சையே..!! ❤️❤️

Hai,  Anaivarukum Vanakkam✨❤, 
Last time program ketten appo song request panna miss panniten,  appo kuda en name ah sonna rj akkaku nandri😌❤, 

Enku thithikkuthey song frm thithikuthey movie play pannungo, 

Dedicate to all WTC members ❤❤..

Nandrigal..