இயற்கை கண்சிமிட்டும், இனம்புரியா வேளையில், காதோரம் வந்து முனு முனுக்கும், பறவைகளின் கீச்சொலியில், ஒளிந்து கிடக்கும் பசிக்கான அர்த்தங்கள்!
பசியிருந்தும், அவன் நினைவிலிருந்து மீள, சோம்பலுற்று இன்னும் கொஞ்சம் தூங்கி கொள்ள, திரும்பி கொள்கிறேன்!
நழுவாமல் தழுவும், அவன் கைகளிலிருந்து, தப்பிச் சென்று சிக்கிக் கொள்ளும், போதை காதல் அது!
என் தயவின்றி, உன்னால் என்ன செய்து விட முடியும்? என்ற மேலோங்கிய பார்வையில், தோற்று தான் போகின்றேன்!
நினைவான நினைவா அது? துரத்தி சென்று தோற்றாலும், தெவிட்டாது தினமேங்கும், நினைவுகளின் குவியலவன்!
உயிர் உருகும் மெய்யாக, எவருக்கும் ஒப்பற்ற, அவனின்றி கழிக்கும் வீணான விநாடிகள் கண்டு!
ஒப்பனையின்றி, முகம் அழகானது, மூழ்கடித்த அவன் நினைவுகளின் தாக்கத்தினால்.!
இந்த நொடி எழுந்து கொண்டேன், போதுமென்ற மனமின்றி, நாளும் கரைகிறதே, மறக்காத கணங்கள் தொடரட்டுமென்று!.
